Nobidádi
23. Altruísmu versus iguísmu
Oxi, 05.05.2025, N posta nes sáiti (na menú “Pâpia ku Nos”, kuluna di ládu ndreta) kel artiginhu li (ki N skrebe onti) i ki N da-l nómi di “Altruísmu versus iguísmu”.
22. Idison di Morádu na amor
Oxi, 04.07.2024, N posta nes sáiti (na subumenús: “Libru publikádu” i “Rizumu”) informasons sobri kel nha libru li. Si idison (pa “SOCA Edições”) kontise na abril des ánu li (2024).
21. Diâ-dimingu: kuriozidádi
Oxi, 28.05.2024, N posta nes sáiti (na subumenú “Pâpia ku Nos”), na kuluna di ládu ndreta, kel testinhu ki si nómi sta dipariba li i ki N skrebe na palmanhan di oxi.
20. Prizentason públiku di Flores de amor
Onti, 20.06.2023, fasedu na arena di ristoránti di Universidádi di Santiágu – Kanpus di Somáda, prizentason públiku di kel libru li. Kel sirimónia li konta ku prezénsa di riprizentántis di iditoras (“US Edições” i “Rosa de Porcelana editora”), na pesoas di Gabriel Fernandes (Reitor di US) i Márcia Souto ku Filinto Elísio (di “Rosa de Porcelana editora”), len di otor di libru (T. V. da Silva), várius profesor i dirijentis di US, studántis di US i ilimentus di públiku, nun anbienti di konvíviu i partidja gostozu i diskontraídu, ki tirmina ku un lánxi variádu, bunitu i sábi.
19. Idison di Flores de amor
Oxi, 03.04.2023, N posta nes sáiti (na subumenús: “Libru publikádu” i “Rizumu”) informasons sobri kel nha libru li. Si idison (pa “US Edições e Rosa de Porcelana editora”) kontise na agostu di 2022. Inda ka fasedu si prizentason públiku.
18. “«Pa»: un pripozison konfuzentu”
Oxi, 26.07.2022, N posta (na menú “Toma Tróga”) testu ki si nómi sta indikádu dipariba li, ki N skrebe onti.
17. “Spritu i strutura di nos língua matérnu na káuberdianizason di palábras”
Oxi, 27.05.2022, N posta, na kuluna di ládu skérda di menú “Partidjamentu”, testu ki si nómi sta indikádu dipariba li i ki kába di skrebedu ontonti.
16. “Skrita di/na língua káuberdiánu: sklarisimentus báziku (pa kenha ki ka konxe i kre uza Alfabétu Káuberdiánu)
Oxi, 23.03.2022, N posta, na kuluna di ládu ndreta di menú “Partidjamentu”, testu ki si nómi sta indikádu dipariba li.
15. “Fuska-fuska” i “nungu-nungu”
Oxi, 11.03.2022, N posta, na menú “Toma Tróga”, kel testu li sobri “Fuska-fuska i nungu-nungu”, ki N pruduzi onti.
14. Rifleson sobri atualizadoris verbal “sa” i “ta”
Diâ 11.02.2022, N posta, na menú “Toma Tróga”, kel testu li di “Rifleson sobri atulizadoris verbal “sa” i “ta“, pruduzidu onti pa mi.
13. Sobri banner des sáiti
Oxi, diâ 23.11.2021, N posta na spásu di menú “Home” kel testu ku nómi “Sobri banner des sáiti”, pruduzidu (onti tárdi) pa dónu di sáiti.
12. Lansamentu di Amor i Kiriason
Diâ 23.11.2018, fasedu lansamentu (na si purmeru prizentason públiku, fetu pa Manuel Brito-Semedo i Margarida Fontes) di kel libru li di puemas di amor, na instalasons di Livraria Pedro Cardoso, ki e si iditor, na Praia.
Diâ 16.01.2019, fasedu si prizentason, na Son Lorensu di Uzórgu (Sentru di Juventudi, na Djantebi), ki konta: 1) ku jornalista i puéta Margarida Fontes i antropólugu Manuel Brito-Semedo (na kolidádi di prizentadoris); 2) ku riprizentántis di Livraria Pedro Cardoso (idior di libru), na pesoa di Nataniel Fernandes (diretor di Livrariâ) i di futógrafu di Livrariâ; 3) ku veriador di Kánbra Munisipal (ki apoia idison di libru); 4) ku prufesor Diamantino Freire (ki resita alguns puema di libru, na dikorer di serimónia, a pididu di otor); 5) ku públiku lokal (konstituídu sobrutudu pa prufesoris i alunus di Skóla Sikundári “Luciano Garcia”), len di otor di libru. Foi un serimónia txeu konkoredu i ku txeu dibáti i txeu partisipason i interesi di prufesoris i alunus.
11. Lijerus kumentári di ditádus i/o senténsas, apartir di Konparason di konbérsu, libru di T. V. da Silva (1997)
N komesa ta fase (na simána pasádu) lijerus kumentári sobri ditádus i/o senténsas ki sta na kel libru li (kfr.), apartir di si primeru kapitu.
Oxi (27.08.2018), N posta na subumenú “Pâpia ku Nos” (kuluna di ládu ndreta) di menú “Partidjamentu” nhas kumentári sobri kel séti purmeru senténsa di kapitu “I- Ki ta privini pa nórmas sosial (NS)”.
Pa kalkér axéga ki ledor intende na da sobri nhas kumentári o sobri kalkér otu asuntu ki sta postádu nes nha sáiti, ta fika li nhas antisipádu gradisimentu.
Oxi (09.09.2018), postádu (na omesmu inderesu des nha sáiti) nha kumentári sobri nunbru 8 i 9, na sigimentu di kes kumentári sobri kel séti purmeru nunbru di ditádu i senténsa di KK.
Oxi (19.09.2018), N posta, na subumenú “Pâpia ku Nos” (kuluna di ládu ndreta) di menú “Partidjamentu”, nhas kumentári nunbru 10, 11 i 12 sobri senténsas di kapitu “I- Ki ta privini pa nórmas sosial (NS)” di nha libru KK. Kfr.
Oxi (14.10.2018), N posta, na subumenú “Pâpia ku Nos” (kuluna di ládu ndreta) di menú “Partidjamentu”, nha kumentári nunbru 13 sobri senténsas di kapitu “I- Ki ta privini pa nórmas sosial (NS)” di nha libru KK. Kfr.
Oxi (11.11.2018), N posta, na subumenú “Pâpia ku Nos” (kuluna di ládu ndreta) di menú “Partidjamentu”, nhas kumentári nunbru 14, 15, 16, 17 i 18 sobri senténsas di kapitu “I- Ki ta privini pa nórmas sosial (NS)” di nha libru KK. Kfr.
Oxi (01.12.2018), N posta, na subumenú “Pâpia ku Nos” (kuluna di ládu ndreta) di menú “Partidjamentu”, nha kumentári nunbru 19 sobri senténsas di kapitu “I- Ki ta privini pa nórmas sosial (NS)” di nha libru KK. Kfr.
Oxi (09.01.2019), N posta, na subumenú “Pâpia ku Nos” (kuluna di ládu ndreta) di menú “Partidjamentu”, nhas kumentári nunbru 20, 21, 22 i 23 sobri senténsas di kapitu “I- Ki ta privini pa nórmas sosial (NS)” di nha libru KK. Kfr.
Oxi (12.01.2019), N posta, na subumenú “Pâpia ku Nos” (kuluna di ládu ndreta) di menú “Partidjamentu”, nhas kumentári nunbru 24, 25 i 26 sobri senténsas di kapitu “I- Ki ta privini pa nórmas sosial (NS)” di nha libru KK. Kfr.
Oxi (17.02.2019), N posta, na subumenú “Pâpia ku Nos” (kuluna di ládu ndreta) di menú “Partidjamentu”, sâis kumentári (nunbru 27, 28, 29, 30, 31 i 32) sobri senténsas di kapitu “I- Ki ta privini pa nórmas sosial (NS)” di nha libru KK. Kfr.
Oxi (03.06.2019), N posta, na subumenú “Pâpia ku Nos” (kuluna di ládu ndreta) di menú “Partidjamentu”, kumentáris (di nunbru 33 ti nunbru 59, inkluzivi) sobri senténsas di kapitu “I- Ki ta privini pa nórmas sosial (NS)” di nha libru KK. Kfr.
Oxi (04.06.2019), N posta, na subumenú “Pâpia ku Nos” (kuluna di ládu ndreta) di menú “Partidjamentu”, kumentáris (di nunbru 60 ti nunbru 80, inkluzivi) sobri senténsas di kapitu “I- ki ta privini pa nórmas sosial (NS)” di nha libru KK. Kfr.
I si, N tirmina kes pikénu i lijeru kumentári (ki N ben ta fase di algun tenpu pa li) sobri kel purmeru kapitu di kel nha libru li.
10. Lansádu, na Son Lorensu d’Uzórgu, kel libru di T.V. da Silva, Como é possível?!… (Altos e baixos dum amor)
Kontise, diâ 07.06.2018, na kuádru di un Fera di Libru di Livrariâ Pedro Cardoso (organizádu pa kel entidádi li ku kolaborason di edilidádi lokal) ki bai di 05-08.06.2018.
Átu (di lansamentu), ki kontise na Liséu “Luciano Garcia”, konta ku prezénsa di veriador di Kultura (na konsedju), di reprezentánti di iditor di kel libru la (Diretor di Livrariâ Pedro Cardoso), di otor i di un bon i siginifikativu nunbru di algen (konstituídu fundamentalmenti pa alunu i prufesor di kel liéu la).
Foi un konbersu sábi (sobri kel libru la i si otor) mutu interativu, bastánti partisipádu i diskontraídu.
9. Dispartidarizason i dispulitizason di Diministrason Públiku
Kel testu li N postába-el na nha blógi (kfr.), diâ 10 di abril di 2017. Komu dja N ka sa ta uza kel blógi la i N ta pensa ma el pode ten algun interesi pa algun públiku, N tarse-l, oxi (18.05.2018), pa es nha sáiti, na subumenú “Pâpia Ku Nos”, di menú “Partidjamentu”.
8. Rijionalizason
Kel testu li sobri rijionalizason, N postába-el na nha blógi (kfr.), diâ 17 di abril di 2017. Komu dja N dexa di utiliza kel blógi la (désdi ki N kíria es nha sáiti) i komu, gósi, “rijionalizason” bira un asuntu na órdi di diâ, N rizolve tarse-l pa li (subumenu “Pâpia Ku Nos”, di menú “Partidjamentu”), oxi (06.05.2018).
7. Aprupóstu di…
Báxu des titlu li, postádu oxi (03.04.2018), si purmeru testu, pontu 1., na menú “Partidjamentu”.
6. Un bes… Pamódi… Gósi… Pamódi…
Báxu des titlu, publikádu oxi (30.03.2018), na subumenú “Pâpia Ku Nos”, dos konsiderason di-meu: un sobri “sumána sánta” i kelotu sobri sésta-fera paxon.
5. Inpurtánsa di língua komu veíku di idukason patrimonial
Kumunikason (publikádu na subumenú “Pâpia Ku Nos”) prizentádu pa si otor, diâ 05.12.2017, na “Conferência sobre Educação Patrimonial em Cabo Verde“, ki tevi lugár duránti dos diâ (05 i 06.12.2017) na Sidádi Vélha, organizádu pa Institutu di Patrimóni Kultural ku patrosinu di “UNESCO”.
4.Rudimentus sobri Alfabétu Káuberdiánu i skrita ku es alfabétu
Un testu skrebedu na abril di 2009 pa sirbi di bázi pa un konjuntu di tres seson di trabádju (tres óla) ku profesoris di Inxinu Báziku (sobrutudu) di Konsedju di Son Lorensu di Uzórgu, ki kontise la na kel altura (ku txeu partisipason i interesi). Kes seson di trabádju la tenba obujetivu di alerta kel públiku álvu pa nisisidádi di konxe i izersita kel alfabétu li.
Pamódi N ta pensa ma el pode sér útil i un djuda pa interesádu (ki inda ka sta mutu abituádu) na skrebe (más-o-menu kurétamenti) na nos língua matérnu, N disidi (dipos di un rivizon di régras di asentuason gráfiku) na publika-l (oxi, diâ 01.12.2017) na nha sáiti, na si menú “Toma-Tróga” (kfr.).
3.Sobri Língua Káuberdiánu: pâpia ku skrebe
Na subumenú “Pâpia Ku Nos” di menú “Partidjamentu”, N ta pása ta publika (subordinádu na kel tema li, simanalmenti, apartir di oxi i duránti kuátu mes o más) pésas di rifleson i di partidja sobri situason (na pâpia i na skrebe) di nos língua matérnu, i divulgándu alfabétu káuberdiánu i si aplikason prátiku.
N ta pidi interesádu na partidja (ku nos i ka so) si ideia i pozison sobri kel asuntu li ki, simanalmenti (pelumenu), el pása ta konsulta subumenú “Pâpia Ku Nos”, pa nu bá ta inrikise kunpanheru i públiku ledor ku partidjamentu. Streia des publikason ta komesa (oxi, diâ 21.11.2017, Diâ Mundial di Amizádi) pa pontu 1.0.
Oxi (28.11.2017), dja postádu (na subumenú “Pâpia Ku Nos”) pontu 1.1.
Oxi (05.12.2017), dja postádu (na subumenú “Pâpia Ku Nos”) pontu 1.2.
Oxi (12.12.2017), dja postádu (na subumenú “Pâpia Ku Nos”) pontu 1.3.
Oxi (19.12.2017), dja postádu (na subumenú “Pâpia Ku Nos”) pontu 1.4.
Oxi (26.12.2017), dja postádu (na subumenú “Pâpia Ku Nos”) pontu 1.5.
Oxi (06.01.2018), dja postádu (na subumenú “Pâpia Ku Nos”) pontu 1.6.
Oxi (10.01.2018), dja sta postádu (na subumenú “Pâpia Ku Nos”) pontu 1.7.
Oxi (16.01.2018), dja sta postádu (na subumenú “Pâpia Ku Nos”) pontu 1.8.
Oxi (24.01.2018), dja sta postádu (na subumenú “Pâpia Ku Nos”) pontu 1.9.
Oxi (30.01.2018), dja sta postádu (na subumenú “Pâpia Ku Nos”) pontu1.10.
Oxi (06.02.2018), dja sta postádu (na subumenú “Pâpia Ku Nos”) pontu 1.11.
Oxi (13.02.2018), dja sta postádu (na subumenú “Pâpia Ku Nos”) pontu 1.12.
Oxi (20.02.2018), dja sta postádu (na subumenú “Pâpia Ku Nos”) pontu 1.13.
Oxi (27.02.2018), dja sta postádu (na subumenú “Pâpia Ku Nos”) pontu 1.14.
Oxi (06.03.2018), dja sta postádu (na subumenú “Pâpia Ku Nos”) pontu 1.15.
Oxi (13.03.2018), dja sta postádu (na subumenú “Pâpia Ku Nos”) pontu 1.16, ki e últimu pontu des testu li.
2.Sobri “tangomão”
N ta txoma atenson li pa kontribuson ki N resebe di nha grándi amigu (olemon), Jürgen Lang (djuntu ku linki pa txiga na si artigu): “Algun intiletual kabuberdiánu pode ten kuriosidádi di konxe nha splikason di oriji di palávra ‘tangomão’, sinónimu di ‘lançado’ na testus di kabuberdiánus di séklus XVI y XVII. Nton pa e sigi es linki (testu na franses): http://www.lpl-aix.fr/~fulltext/Etudes_Creoles/lang.pdf
Jürgen Lang
1.Lansamentu
Di libru di puemas (di amor) ki txoma «Como é possível?! (Altos e baixos dum amor)», di T.V. da Silva, risentimenti iditádu pa Livraria Pedro Cardoso. Si lansamentu (ku txeu públiku, rilativamenti) diskontraídu i agradávi fasedu diâ 27 di julhu di 2017, un kinta-fera, pa 6 óra di tárdi, na Livraria Pedro Cardoso, na Fazénda – Praia. Si prizentádor, Profesor Dotor Brito-Semedo, intxi sála di sonhu ku si testu xeiu di sabura.
